- పద్మభూషణ్ సరైన సమయంలో వచ్చిందనుకుంటున్నా: బాలకృష్ణ
సినీ నటుడు, హిందూపురం శాసనసభ్యుడు నందమూరి బాలకృష్ణకు భారత ప్రభుత్వం ఇటీవల పద్మభూషణ్ పురస్కారం ప్రకటించిన సంగతి తెలిసిందే. ఈ అవార్డుపై బాలకృష్ణ తాజాగా స్పందిస్తూ కీలక వ్యాఖ్యలు చేశారు.
ఏప్రిల్ 4న ఆదిత్య 369 పునః విడుదల సందర్భంగా హైదరాబాద్‌లో ఆదివారం నిర్వహించిన ప్రీ-రిలీజ్ ఈవెంట్‌లో బాలకృష్ణ ప్రసంగించారు. సినీ రంగంలో నటుడిగా, రాజకీయాల్లో శాసనసభ్యుడిగా, ఓటీటీ వేదికపై హోస్ట్‌గా, అలాగే క్యాన్సర్ ఆసుపత్రి చైర్మన్‌గా సేవలు అందిస్తున్న విషయాలను ఈ సందర్భంగా ఆయన ప్రస్తావించారు. పద్మభూషణ్ అవార్డు ఆలస్యంగా వచ్చిందని కొందరు అంటున్నా, తన దృష్టిలో ఇది సరైన సమయంలో అందిందని పేర్కొన్నారు.
“అన్ని వర్గాల ప్రేక్షకులను అలరించేలా సినిమాలు చేయడం నా లక్ష్యం” అని బాలకృష్ణ తెలిపారు. ఆదిత్య 369 తరహా చిత్రాన్ని రూపొందించాలని చాలామంది ప్రయత్నించినప్పటికీ, కొన్ని ప్రారంభమవకుండానే ఆగిపోయాయని, మరికొన్ని అనుకున్న స్థాయిలో విజయం సాధించలేకపోయాయని చెప్పారు. తెలుగు ప్రేక్షకులు ఎల్లప్పుడూ కొత్తదనాన్ని కోరుకుంటారని, అందుకే ఆదిత్య 369 లాంటి వైవిధ్యమైన చిత్రాన్ని అందించగలిగామని అన్నారు.
Read : Samantha : నిర్మాతగా సమంత మొదటి సినిమా ‘శుభం’ టీజర్ విడుదల
