- మీ కలలను నిజం చేసుకోవాలనుకుంటున్నారా…. అందుకు ‘వేవ్స్’ ఉంది : చిరంజీవి
ప్రపంచ స్థాయి ఆడియో-విజువల్ ఎంటర్టైన్‌మెంట్ సమ్మిట్‌ ‘వేవ్స్ (WAVES)’ పేరుతో తొలిసారిగా భారత్‌లో జరగనుంది. కేంద్ర ప్రభుత్వ సమాచార ప్రసార శాఖ ఆధ్వర్యంలో నిర్వహించబడనున్న ఈ ప్రతిష్టాత్మక ఈవెంట్‌కు టాలీవుడ్ మెగాస్టార్ చిరంజీవి సలహా సంఘం సభ్యుడిగా బాధ్యత వహిస్తున్నారు.
ఈ సదస్సు మే 1 నుండి 4 వరకు ముంబయిలోని జియో కన్వెన్షన్ సెంటర్‌లో గౌరవంగా జరగనుంది. వేవ్స్ సమ్మిట్‌లో కళా, సాంకేతిక రంగాలలో గొప్ప మార్పులకు దారితీయగలిగే ప్రముఖులు, పరిశ్రమ నిపుణులు పాల్గొననున్నారు.
ఈ నేపథ్యంలో విడుదల చేసిన ప్రోమో వీడియోలో, చిరంజీవి ఔత్సాహిక కళాకారులకు ప్రేరణనిచ్చేలా ఉద్గారపూరితంగా తన అనుభవాన్ని పంచుకున్నారు.
“ఒక్కోసారి ఇలా అనిపిస్తుంది… కాలేజీలో స్టేజీపై నాటకం వేయకపోయి ఉంటే, నా జీవితం ఎలా ఉండేదో అని. మీలో చాలామందికి తెలిసిందే… నేను మొగల్తూరు అనే చిన్న గ్రామం నుంచి పెద్ద కలలతో సినీ రంగానికి వచ్చాను. ఆ మొదటి నాటకం నుంచే నా ప్రయాణం మొదలైంది. అలాగే, ఇప్పుడు వేవ్స్ మీకూ ఆ తొలి అడుగవుతుంది. ఇది మీ కలలకు వేదిక. ఇది అవకాశాలకు ద్వారం. ఊహించని విధంగా, ఇదే మీ జీవితంలో ప్రధాన మలుపు కావచ్చు,” అంటూ చిరంజీవి తెలిపారు.
తన సందేశాన్ని ముగిస్తూ, “మీరు దిగ్గజాలను కలవాలనుకుంటున్నారా? మరెందుకు ఆలస్యం? వెంటనే http://www.wavesindia.org/ పోర్టల్‌లో రిజిస్టర్ చేసుకోండి. వేవ్స్ 2025లో పాల్గొని, మీ భవిష్యత్తుకు పునాది వేసుకోండి. దీన్ని మీ లాంచ్‌ప్యాడ్‌గా మలచుకోండి” అని ఆయన పిలుపునిచ్చారు.
