- వెహికల్ చుట్టూ అల్లుకున్న ఫాంటసీ కథ
చిన్న సినిమాలకు కొత్తదనం ఉంటే ప్రేక్షకులు ఆదరిస్తారనే నమ్మకంతో కొంతమంది దర్శక, నిర్మాతలు ప్రయోగాత్మకంగా ప్రయత్నిస్తున్నారు. అదే కోవలో రూపొందిన చిత్రం ‘టుక్ టుక్‘. ఫాంటసీ, మ్యాజికల్ థ్రిల్లర్‌గా తెరకెక్కిన ఈ సినిమా ప్రేక్షకుల ముందుకు వచ్చింది. కానీ కథ ఎంతవరకు ఆకట్టుకుందో చూద్దాం.
కథ:
ఓ గ్రామంలో ముగ్గురు యువకులు (హర్ష రోషన్, కార్తికేయ దేవ్, స్టీవెన్ మధు) నిరుద్యోగంగా కాలక్షేపం చేస్తుంటారు. ఓ చెడ్డ పని చేయడానికి డబ్బు అవసరమవడంతో, వినాయక చవితి పేరుతో విరాళాలు సేకరించి, ఆ డబ్బుతో కెమెరా కొనాలని నిర్ణయించుకుంటారు. కానీ అనుకోకుండా, వారి ఆటో-స్కూటర్‌కు మాయశక్తులు వస్తాయి.
ఇక ఆ వెహికల్‌కు ఆ శక్తులు ఎలా వచ్చాయి? వాటి ప్రభావం ఏమిటి? వీరి జీవితాల్లో వచ్చిన మార్పులు ఎలా ఉన్నాయి? మేఘ శాన్వీ (హీరోయిన్) పాత్రకు వీరితో ఉన్న సంబంధం ఏమిటి? – ఇవన్నీ తెరపై చూడాల్సిందే.
విశ్లేషణ:
దర్శకుడు ఓ సింపుల్ కథకి ఫాంటసీ, థ్రిల్లర్, హారర్ అంశాలు జోడించడానికి ప్రయత్నించారు. ఇలాంటి కాన్సెప్ట్‌లతో గతంలో ‘బామ్మ మాట బంగారు బాట’, ‘కారు దిద్దిన కాపురం’ వంటి సినిమాలు వచ్చాయి. ‘టుక్ టుక్’ కూడా అటువంటి ప్రయోగమే. లవ్ ట్రాక్, ఎమోషన్, వినోదం కలిపి ప్రేక్షకులను మెప్పించాలనుకున్నారు.
కానీ, కథలో బలమైన పాయింట్ లేకపోవడం, స్క్రీన్‌ప్లే అంతగా ఆకట్టుకోకపోవడం మైనస్ అయ్యాయి. ఫస్ట్ హాఫ్ పసందుగా ఉన్నా, సెకండాఫ్ చాలా స్లోగా సాగుతుంది.
ఇంకా, టీనేజ్ పిల్లలు అమ్మాయిలను తొంగిచూడటం వంటి అభ్యంతరకర సన్నివేశాలు కథలో అసహనాన్ని కలిగిస్తాయి. హీరోలు కొన్ని చోట్ల హద్దు మీరినట్లుగా ప్రవర్తించడం కూడా కథను బలహీనపరచింది.
ఒక వెహికల్‌కు మాయశక్తులు వస్తే ఎలా ఉంటుందనే ఆసక్తికరమైన కాన్సెప్ట్ తీసుకున్నా, బలమైన ఎమోషన్లు, వినోదం లేకపోవడం వల్ల సినిమా మోస్తరు స్థాయిలోనే మిగిలిపోయింది.
నటీనటుల ప్రదర్శన:
హర్ష రోషన్, కార్తికేయ దేవ్, స్టీవెన్ మధు, సాన్వీ మేఘన, నిహాల్ తమ పాత్రల్లో ఎనర్జీగా కనిపించారు. ఇటీవల ‘కుడుంబస్తాన్’ సినిమాతో గుర్తింపు తెచ్చుకున్న సాన్వీ మేఘన ఈ సినిమాలో కూడా క్యూట్ లుక్‌తో ఆకట్టుకుంది.
దర్శకుడు సుప్రీత్ కృష్ణ ఆసక్తికరమైన కాన్సెప్ట్ ఎంచుకున్నా, స్క్రీన్‌ప్లే మంజరూ, ఎంటర్‌టైన్‌మెంట్ పరంగా ఇంకా మెరుగుపరచాల్సిన అవసరం ఉంది.
సాంకేతిక విభాగం:
సంగీతం: సంతో ఒంకార్ ఇచ్చిన పాటలు, బీజీఎమ్ ఓ మోస్తరు.
సినిమాటోగ్రఫీ : విజువల్స్ బాగున్నాయి.
మేకింగ్: రొటీన్ ఫీలింగ్ ఇస్తుంది.
తీర్పు:
‘టుక్ టుక్’ ప్రయోగాత్మక కాన్సెప్ట్ అయినా, బలమైన కథనం లేకపోవడంతో సగటు చిత్రంగా మిగిలిపోయింది. అంచనాలు లేకుండా చూసిన వారికి మాత్రమే టైంపాస్ వాచ్!
Read : Hunt : ఈ నెల 28 నుంచి ఓటీటీ లోకి మలయాళంలో రూపొందిన ‘హంట్’
