Hunt : ఈ నెల 28 నుంచి ఓటీటీ లోకి మలయాళంలో రూపొందిన ‘హంట్’

hunt movie poster
  • ఓటీటీ లోకి మలయాళం హారర్ మూవీ ‘హంట్’

మలయాళ దర్శకులు క్రైమ్ థ్రిల్లర్లు, మర్డర్ మిస్టరీలు తెరకెక్కించే విధానం ఎంతో ఆసక్తికరంగా ఉంటుంది. అందువల్ల ఆ తరహా సినిమాలు, వెబ్ సిరీస్‌లు ఓటీటీలలో మంచి ఆదరణ పొందుతున్నాయి. ఇదే నేపథ్యంలో, మరో మలయాళ హారర్ థ్రిల్లర్ ‘హంట్’ ప్రేక్షకులను భయపెట్టేందుకు సిద్ధమైంది.

ఈ సినిమా ఆగస్టు 23న థియేటర్లలో విడుదలై, మంచి స్పందన పొందింది. ఇప్పుడు, ఈ నెల 28వ తేదీ నుంచి ‘హంట్’ ఓటీటీ ప్లాట్‌ఫారమ్ మనోరమ మ్యాక్స్‌లో స్ట్రీమింగ్‌ కానుంది.

కథ & నటీనటులు :
ఈ సినిమాలో భావన ప్రధాన పాత్రలో నటించగా, రెంజీ పణిక్కర్, అజ్మల్ అమీర్, చందూనాథ్, అనూ మోహన్, అదితి రవి కీలక పాత్రల్లో కనిపించనున్నారు. కైలాస్ మీనన్ సంగీతం అందించిన ఈ సినిమా మిస్టరీ, హారర్ ఎలిమెంట్స్‌ కలగలిపిన థ్రిల్లర్‌గా తెరకెక్కింది.

కథ విషయానికి వస్తే…
కీర్తి (భావన) ఫోరెన్సిక్ డాక్టర్. ఓ హత్య కేసు విచారణలో భాగంగా, చాలా సంవత్సరాల క్రితం హత్యకు గురైన వ్యక్తి డాక్టర్ సారా అని తెలుసుకుంటుంది. అయితే, ఆ సంఘటన తర్వాత ఆమెకు అప్రత్యక్షంగా కొన్ని అనుభవాలు ఎదురవతాయి. సారా నిజానికి ఎవరు? ఆమెను ఎవరు హత్య చేశారు? ఆమె ఆత్మ కీర్తికి ఏం చెప్పాలనుకుంటోంది? ఈ ప్రశ్నలకు సమాధానమే ‘హంట్’ కథ.  హారర్ థ్రిల్లర్ లవర్స్‌కు ఈ సినిమా ఆసక్తికరమైన అనుభూతిని అందించనుంది!

Read : Ramam Raghavam : “రామం రాఘవం” మూవీ రివ్యూ!

Related posts

Leave a Comment