కెరీర్ లో బిగ్గెస్ట్ హిట్ కొట్టిన నాగచైతన్య
నాగచైతన్య, సాయిపల్లవి కాంబినేషన్లో వచ్చిన ‘తండేల్’ సినిమా సూహర్ హిట్ టాక్ తెచ్చుకుంది. నాగచైతన్య కెరీర్లోనే పెద్ద విజయం సాధించిన సినిమా గా ఈ సినిమా దూసుకుపోతూ ఉంది. పాన్ ఇండియా మూవీగా తెరకెక్కిన ఈ సినిమా తెలుగు రాష్ట్రాల్లో భారీగా వసూళ్లను రాబడుతోంది.
ప్రపంచవ్యాప్తంగా మొదటి రోజు రూ. 21 కోట్ల రూపాయలను సాధించగా, రెండో రోజు రూ. 20 కోట్లకు పైగా గ్రాస్ ను రాబట్టింది. మొదటి 2 రోజుల్లో రూ. 41 కోట్లకు పైగా గ్రాస్ ను రాబట్టింది. మూడో రోజు కూడా భారీ వసూళ్లను సాధించింది. మూడో రోజుకు రూ. 62.37 కోట్ల గ్రాస్ కు చేరుకుంది. వేరే చిత్రాలు పోటీలో లేకపోవడంతో..ఈ . ‘తండేల్’ సినిమా భారీ కలెక్షన్లు సాధించే అవకాశం ఉంది. రెండు, మూడు రోజుల్లో రూ. 100 కోట్ల గ్రాస్ ను దాటనుందని ట్రేడ్ వర్గాల టాక్.
మరోవైపు ఈ సినిమాకు వస్తున్న ప్రేక్షకాదరణపై నాగార్జున స్పందిస్తూ… ఒక తండ్రిగా ఆయన తన ఆనందాన్ని వ్యక్తం చేశారు. ఇన్నేళ్లుగా ఎంత కష్టపడ్డావో, ఎన్ని సవాళ్లను ఎదుర్కొంటూ వస్తున్నావో చూస్తూనే ఉన్నానని నాగచైతన్య ని ఉద్దేశించి అన్నారు. ‘తండేల్’ అనేది కేవలం సినిమా మాత్రమే కాదు… నీ శ్రమకు నిదర్శనం అని చెప్పారు. నిన్ను చూస్తూంటే గర్వంగా ఉంది చైతూ అని నాగార్జున అన్నారు.
Read : Naga Chaitanya : విడాకుల నిర్ణయం రాత్రికి రాత్రి తీసుకున్నది కాదు : నాగ చైతన్య
