సిల్క్ స్మిత హీరోల ఎదురుగా కాలుపై కాలు వేసుకుని కూర్చునేది : బాబూ మోహన్
తెలుగు తెరపై తన మార్క్ కామెడీని పండించిన నటుడు బాబూ మోహన్. తాజాగా ఒక చానల్ కి ఇచ్చిన ఇంటర్వ్యూలో ఆయన తన గురించిన అనేక విషయాలను గురించి ప్రస్తావించారు. “అప్పట్లో నేను చేసిన పాటలు సూపర్ హిట్ అయ్యాయి. ఆ సినిమాల వరుసలో ‘బావలు సయ్యా’ కూడా కనిపిస్తుంది. ఆ ఒక్క పాట కోసమే ఆడియన్స్ మళ్లీ మళ్లీ ఆ సినిమాను చూశారు. ఆ సినిమాలో సిల్క్ స్మిత అద్భుతంగా చేసింది” అని అన్నారు.
“సిల్క్ స్మిత బ్లాక్ కలర్ గ్లాసెస్ పెట్టుకుని .. కాలుపై కాలు వేసుకుని కూర్చునేది. ఎవరినీ కేర్ చేసేది కాదు. హీరోలు వచ్చినా అలాగే కూర్చుంటావా? అని ఒక సారి అడిగాను ఒకసారి. ‘హీరోలు వస్తే కాలు ఎందుకు తీయాలి?’ అని ఆమె అంది. బ్లాక్ కలర్ గ్లాసెస్ పెట్టుకోవడానికి కారణం ఏమిటి అని అడిగాను .. తనని ఎవరు చూస్తున్నది గమనించడం కోసమని అంది. నన్ను బాస్ అని పిలుస్తూ, నాతో ఎంతో ఆత్మీయంగా ఉండేది” అని చెప్పారు బాబూ మోహన్ .
” ఒకసారి దుబాయ్ లో షూటింగుజరుగుతుంది. తను నన్ను షాపింగ్ కోసం రమ్మంటే ఆమెతో వెళ్లాను. అక్కడ ఆమె స్పెట్స్ తీసి చూపించి ఎలా ఉంది? అని అడిగింది. సూపర్ గా ఉంది అన్నాను. ఇది నీ కోసమే అంటూ కొనిపెట్టింది. దానిని నేను దాచుకున్నాను. ఆమె ఏ ఎండకి ఆ గొడుకు పట్టేరకం కాదు. అలాంటివారిపై వివాదాలు రావడం సహజమే” అని చెప్పారు బాబూ మోహన్.
